سؤال اجبارى؟؟ ما معنى كلمه نايتى (النياته) فى وجهه نظرك؟؟!

من طرف elrassam_vet الأربعاء أبريل 18, 2007 3:04 pm

مامعنى كلمه نايتى فى وجهه نظرك ؟ ؟ . هل معناها انك تبقى واد فافى وسط زمايلك فى كليتك ؟

ولا انك تبقى منفض لكل حاجه وضربها تهييس ؟؟. انتا شايف ان النايتى هو اللى بيكلم بنات بعدد ورق كشاكيله ؟؟!
ولا المخلص الفتك اللى عامل فهلوى وواخد الدنيا بالدراع قال عشان لاعبله بومين جيم ونفخ عضلاته
مش هالخليك تحتار كتير انا شايف ان لفظ نايتى ده مجاش من فراغ ياخوانا لا :x لا:x لا:x لا ده نتاج بحث وخبره سنين كتيييييييييييير
مفهوم نايتى هو انك تبقى روش مودرن مطرقع ملم بكل حاجه وعلى فكره ده مش للولد بس ممكن برده البنت تبقى نايتياية مادامت شايفه فى نفسها كده وايه يمنع احنا هنا بنطبق حقوق المرأه زى منصت عليها كل مؤسسات وهيئات المجتمع المدنى . انا مش بدعى انى افلاطون ولا العقاد بخبط فى كلام بهيص بيه عليكو انا مجرد بتكلم من وجهة نظرى الى ماتجيش جمب عقلكو الجباره حاجه طبعا انا بس بطرح الرؤى ووجهات النظر واللى عندو اى استفسار او تساؤل ياهلا بيه احنا مش فى سكشن ولا محاضره هنا ؟؟!
انا شايف ده لو لسه عندى نظر يعنى ان النايتى لازم يتوفر فيه شروط كتير عشان يوصل للمستوى ده يعنى هاذكر منها على سبيل المثال:
* لو اصحابك النايتى ضربه معاهم مذاكره ليله الامتحان كفله الشر اوعى تتأخر عنهم بحجه انك تعبان او مش قادر , انشا لله حتى تروح من غير ماتجمع حاجه ولو حضرو محضرات بعيد عن السامعين روح معاهم ناملك ساعتين تلاته راحه لجسمك برده
* ولو بقى نفضو وترقعو للمذاكره وضربت تهييس ونفضو للمحاضرات والسكاشن تبقى انتا اول واحد تعربد معاهم مافيش مانع برده ان الواحد يفرج عن نفسيته شويه
* انك تبقى مخلص لاصحابك واوعى يغرك جسمك يعنى لو الشب النايتى اخوك من دول اتزنق فى حاجه اوعى تتأخر عليه
* لازم تتسم بالروح النايتاويه اللى بتلزم عليك مجموعه من الاخلاق والقيم زى الصراحه راحه وانتا اكيد بتعرف؟؟
يعنى لو اخوك وصاحبك النايتى طلبك من موبايل ماتسقعلوش وتقلبه عشان واقف مع مزه مهمن كانت
* دايما الشاب النايتى من دول بيحب مايتقلشى على حد يعنى تلاقيه فى كل حاجه موجود عزايم موجود فلوس سلف موجود رحله ببلاش موجود انشا الله عزومه بلاى استيشن تو وده لانه اجتماعى بطبعه ومابيحبش يكسف حد
* النايتى الصح اللى يخلى اصحابه النايتاويه فى اولوياته يعنى لو معاه ورق دروس وهايذكرو كفله الشر مايستناش لما
يعرفو من حد تانى انه معاه ورق لا:xلا:x لا:x لا يوريهم الورق حتى لو هايطلع ندل ومش هايصورهم
* النايتى الجدع اللى لو شاف صاحبه النايتى الانتيخ بيضرب فى اى مكان مايسكتشى لا:x لا:x لا:x لا حتى لو هايضرب معاه
* كل شاب نايتى لاز يبقى استايل مش ببناطيله ولا بتشرتاته ولا بموبيلاته حته لو كان ان 70 لا:x لا:x لا:x لا النايتى بشخصيته اللى لازم طبعا تتوافق مع احدث خطوط الموضه والنياتة العالمية
* اوعى تنزل من مستواك او تتهزلك شعره من سوالفك لوحد رخم او اتغاتت عليك اكيد هو غيران عشان انتا نايتى عنه
احب انوه فى الاخر انى انا مابدعيش النياته او انى شاب نايتى لا بالعكس انا بحلم انى اكون نايتى لان ده اسلوب للحياه
اجمع جميع الباحثين انه الافضل على الاطلاق بيخلى الشاب من دول يخرج طاقته كلها ويبقى ذا شأن ومتصيت كده وحلو فى المجتمع وعلى رأى المثل : عيش نايتى ونفض للدنيا تعيش حياتك ميه ميه